Türkiyə milli müdafiə naziri Hulusi Akar Latviya Baş nazirinin müavini və müdafiə naziri Artis Pabriks ilə görüşüb.

Axar.az xəbər verir ki, bu barədə Türkiyə Milli Müdafiə Nazirliyi məlumat yayıb.

Videokonfrans formatında keçirilən görüşdə tərəflər ikitərəfli və regional müdafiə, təhlükəsizlik, müdafiə sənayesi və NATO ilə əməkdaşlıq məsələləri barədə fikir mübadiləsi aparıblar.

Bundan əlavə, Türkiyə Milli Müdafiə Nazirliyi Latviya parlamentinin 1915-ci il hadisələri ilə bağlı qərarını qınayıb.

“Latviya parlamentinin qondarma "erməni soyqırımı" barədə qərarını rədd edirik", - deyə nazirliyin Tvitter səhifəsində bildirilib.