Papa Fransiskin qohumu Xuan İqnasio Berqoqlio və sevgilisi Argentinanın paytaxtı Buenos-Ayresdə silahlı hücuma məruz qalıb.

Axar.az xəbər verir ki, bu barədə Argentinanın rəsmi xəbər agentliyi "Telam" məlumat yayıb.

Məlumata görə, Papanın qohumu və sevgilisi Buenos-Ayresdəki evindən çıxaraq avtomobilə minib. Bu zaman naməlum üç nəfər onlara silahlı hücum edib və Xuan İqnasionu avtomobildən endirib.

Naməlum şəxslər Papanın qohumundan pul tələb etsələr də, onun üzərində siqaretdən başqa heç nə olmayıb. Soyğunçular evə girmək istəyən zaman isə yaxınlıqdan keçən polis patrulu onların fərqinə varıb.

Quldurlar hadisə yerindən qaçaraq məsuliyyətdən yayına biliblər.

Qeyd edək ki, Roma Papasının əsl adı Xose Mario Berqoqliodur.