Astronomlar Çinin orbitdən çıxan CZ-5B raketinin ilk görüntüsünü yayımlayıblar.

Axar.az xəbər verir ki, italiyalı astronom Gianluca Masi Yerdən 700 km uzaqlıqda olan raketin görüntüsünü “Elena” teleskopu ilə izləməyi bacarıb.

“Göy üzü inanılmaz dərəcədə parlaq idi. Bu şərtlər görüntüləməni son dərəcə çətinləşdirirdi. Ancaq robot teleskopumuz sayəsində raketi izləyə bildik”, - astronom bildirib.

Qeyd edək ki, raket aprelin 29-da Hainan adasında uğurla havaya buraxılsa da, kosmosda raket moduldan ayrılaraq nəzarətdən çıxmışdı. CZ-5B-in 8-10 may tarixləri arası Yerə düşəcəyi ehtimal olunur.