Ana səhifə Planet |
12:07
Tatarıstanın paytaxtı Kazanda 175 nömrəli məktəbdə yeniyetmələrdən biri silahla şagirdlərə atəş açıb.
Axar.az xəbər verir ki, bu məlumatı “İnterfaks” agentliyi yayıb. Atışmadan sonra məktəb ərazisində partlayış səsi eşidilib. Şagirdlərə atəş açan yeniyetmə yaxalanıb.
Bəzi mətbuat orqanları, o cümlədən “Moskovskiy Komsomolets” qəzeti atışma nəticəsində minimum 9 nəfərin öldüyünü yazıb.
***
Kazandakı məktəbə hücum edənlərin iki nəfər olduğu müəyyən edilib.
Bu məlumatı TASS agentliyi öz mənbələrinə istinadən yayıb. Məlumata görə, hücumu həyata keçirən yeniyetmələrdən biri hələ də məktəb ərazisindədir və o bir neçə nəfəri girov saxlayıb.
Bununla bərabər məktəbdə öldürülənlərdən 8-nin şagird, 1-nin isə müəllim olduğu vurğulanıb. Hücum zamanı məktəbdə 700-dən çox şagird olub.
Hadisə yerinə Tatarıstan lideri Rüstəm Minnixanov gəlib.
***
Son məlumatlara görə, hücum edən şəxslərdən biri məhv edilib. Hadisə nəticəsində ölənlərin sayı isə 11-ə yüksəlib.
Tarix
2021.05.11 / 12:23
|
Müəllif
İlkin Həsənov
|