İsrail təhlükəsizlik qüvvələri söz və toplaşmaq azadlığına icazə verməlidir.

Axar.az xəbər verir ki, bunu BMT-nin İnsan Haqları üzrə Komissarlığının sözçüsü Rupert Kolville deyib.

"Hər cür zorakılıq, zorakılığa təhrik, etnik ayrı-seçkilik və təxribatları qınayırıq. Etiraz etməyənlərin - sadəcə namaz qılanların və ya iftarlarını açanların təhlükəsizlik qüvvələri tərəfindən məruz qaldığı rəftar tamamilə səbəbsizdir. Hüquqlarından dinc şəkildə istifadə edənlərə qarşı heç bir güc tətbiq edilməməlidir", - deyə Kolville bildirib.

O, zorakılığın uşaqlar üzərindəki təsirindən narahat olduqlarını bildirib:

"Saxlanılan uşaqlar sərbəst buraxılmalı, gərginlik azalmalıdır".