Yunanıstan Türkiyəyə qarşı əsassız ittihamlar irəli sürərək təxribatçı diplomatiya həyata keçirir.

Axar.az xəbər verir ki, bu barədə “A Haber” məlumat yayıb.

“Afina Aralıq dənizinin şərq hissəsində xəyallarını gerçəkləşdirmək və Türkiyəni buradan uzaqlaşdırmaq üçün bölgə ölkələri ilə Ankara arasındakı əlaqələri “vurmağa” çalışır. Yunanıstan Türkiyə ilə Liviya arasındakı dəniz yurisdiksiyası müqaviləsinin etibarsız olduğunu iddia edir. Yunanlar müqaviləni Avropa Birliyi (AB) qanunlarına uyğun olmadığı tezisi ilə əsaslandırır. Ancaq AB bu mövzuda hökm vermək səlahiyyətində deyil”, - məlumatda bildirilib.

Bundan başqa, Yunanıstanın Ankara ilə Qahirənin yaxınlaşmasından da narahat olduğu vurğulanır:

“Əgər Misir Türkiyə ilə dəniz yurisdiksiyası haqqında müqavilə imzalayarsa, onda Qahirənin 40 min kvadrat kilometr ərazi əldə etmək imkanı yaranacaq. Türkiyə Misir xalqının mənfəəti üçün lazım olan addımları atmağa hazırdır”.