Keçmiş prezident Mahmud Əhmədinejad iyunda keçiriləcək prezident seçkilərində iştirak üçün qeydiyyatdan keçib.

Axar.az xəbər verir ki, bu barədə “Tasnim” məlumat yayıb.

Qeydiyyat üçün gəldiyi zaman Əhmədinejadı tərəfdarlarının qarşıladığı və hüquq-mühafizə orqanları ilə yüngül toqquşma da olduğu bildirilir.

Prezident seçkilərinə hazırkı prezident Həsən Ruhaninin 2017-ci ildə əsas rəqibi olan məhkəmə hakimiyyətinin rəhbəri İbrahim Rəisinin də qatılacağı gözlənilir.

Qeyd edək ki, prezident seçkilərinə rəsmi qeydiyyat ötən gün başlayıb və 15 maya qədər davam edəcək. Bundan sonra Konstitusiyanı Mühafizə Şurası qeydə alınan namizədləri yoxlayacaq və onların namizədliyini təsdiqləyəcək.

Həsən Ruhani iki dəfə ardıcıl prezident seçildiyi üçün konstitusiyaya görə bu seçkilərdə namizəd ola bilməyəcək.

Seçkilər 18 iyuna təyin edilib.