19:29

Qüds və Fələstində meydana gələn İsrailin militarist əməllərinə dair İslam Əməkdaşlıq Təşkilatı Nümayəndələr Komitəsi Türkiyənin təşəbbüsü ilə Ciddədə toplanıb.

Axar.az xəbər verir ki, bu barədə Türkiyə mediası yazıb.

İsrail məhkəmə sisteminin Fələstinlə bağlı qəbul etdiyi bütün qərarları etibarsız elan edən komitə iclas zamanı Türkiyənin irəli sürdüyü üç təkliflə bağlı ortaq məxrəcə gəlib.

Türkiyə İslam Əməkdaşlıq Təşkilatı, Xarici İşlər Nazirləri Şurası və ya icra heyətinin ən qısa müddətdə toplanması ilə BMT Baş Assambleyasının təcili iclasının çağırılması təklifini irəli sürüb.

Digər təkliflər isə Fələstinə beynəlxalq müdafiə qüvvəsinin göndərilməsi də daxil olmaqla, qoruma mexanizminin qurulmasına dair səylərin sürətləndirilməsi məqsədilə BMT-dəki İƏT qrupunun hərəkətə keçməsi olub.