Mən və yüksəkvəzifəli şəxslərdən heç kim peyvənd vurdurmayıb. Əlimizdə olan peyvənd dozasının sayı az olduğu üçün ilk növbədə yaşlı və risk qrupuna daxil olan digər adamlara vurulmalıdır.

Axar.az xəbər verir ki, bunu İran Prezidenti Həsən Ruhani deyib.

Prezidentin sözlərinə görə, İran 3 milyon doza peyvənd almışdır ki, bunların da 2 milyonu əhaliyə vurulub. Yaxın günlərdə İran yenə peyvənd alıb ölkəyə gətirəcək. Bütün çətinliklərə baxmayaraq, İran koronavirusun 4-cü dalğasını da arxada qoyub.

Qeyd edək ki, İran Rusiyadan və Çindən peyvənd almaq üçün razılıq əldə edib. Lakin sifarişlərin çoxluğu peyvənd dozalarının İrana çatdırılmasını ləngidir.