İsrail ordusu mayın 15-də Qəzza zolağında 11 mərtəbəli binaya zərbə endirdiyini təsdiqləyib.

Axar.az xəbər verir ki, bu barədə İsrail Ordusunun mətbuat xidmətindən bildiriblər.

"Bir müddət əvvəl İsrailin qırıcı təyyarələri HƏMAS terror təşkilatının kəşfiyyat xidmətlərinə məxsus hərbi texnikanın yerləşdiyi çoxmərtəbəli binaya zərbə endiriblər. Binada HƏMAS-ın canlı qalxan kimi istifadə etdiyi media ofisləri də yerləşirdi", - məlumatda bildirilib.

İsrail ordusunun öncədən binadakı mülki insanlara xəbərdarlıq etdiyi və təxliyə üçün vaxt verdiyi də bildirilib.

Qeyd edək ki, binada "Əl-Cəzirə", "Assoşieyted Press" kimi nəşrlərin ofisləri yerləşirdi.