PKK-nın Suriya qanadının lideri iddialara cavab verib. PYD lideri Salih Müslüm "CNN Türk"ə deyib ki, İŞİD-ə qarşı ən yaxşı müqaviməti onlar göstərir.

Axar.az xarici KİV-ə istinadla xəbər verir ki, S.Müslüm beynəlxalq qüvvələrin də bu müqaviməti gördüyünü və onlara terrora qarşı mübarizədə dəstək verdiyini bildirib. PYD liderinin sözlərinə görə, kürdlərin etnik təmizləmə apardığı barədə səslənən iddialar əsassız və yalandır.

Kürd lideri İŞİD-ə ən böyük zərəri məhz PYD-nin vurduğu iddiasını da irəli sürüb.

Qeyd edək ki, "İslam ordusu" terror təşkilatı qüvvələri ilə Suriyada kürdlərin silahlı birləşmələri arasında müharibə gedir. Siyasi analitiklərin fikrincə, ABŞ və Qərb dünyasının məqsədi Suriyanı parçalamaqla bu torpaqlarda kürd dövləti qurmaqdır. Bu məqsədlə terrorçu qüvvələr fəallaşdırılıb. Suriyada Əsəd ordusu ilə yanaşı, koalisiya qüvvələri, YPD, İŞİD, Əl Nusra və başqa müxtəlif terror qruplaşmaları bir-birinə qarşı döyüşür.