Ermənistanın Zəngəzur (Sünik) vilayətinin Sisian şəhərində içməli sudan zəhərlənənlərin sayı 445-ə çatıb.

Axar.az xəbər verir ki, bu barədə Ermənistan Səhiyyə Nazirliyi məlumat yayıb.

Bildirilib ki, mayın 15-dən 17-nə kimi daha 43 nəfər zəhərlənmə diaqnozu ilə xəstəxanaya yerləşdirilib. Ümumilikdə isə içməli sudan zəhərlənənlərin sayı 445 nəfərə çatıb.

Məlumata görə, sakinlərin kütləvi zəhərlənməsindən sonra içməli sudan nümunələr götürülüb. Analizin nəticələri suyun keyfiyyətinin yaxşılaşdığını göstərsə də, bəzi məntəqələrdə lazımi kriteriyalara cavab verməyib.

Qeyd edək ki, Qarakilsədə (Sisianda) içməli sudan zəhərlənmə kütləvi şəkildə bağrsaq infeksiyasına səbəb olmuşdu.