"ABŞ Ukraynadakı dövlət çevrilişini həyata keçirmək üçün 5 milyard dollar pul xərcləyib".

Axar.az xəbər verir ki, bu açıqlama ilə Rusiya Təhlükəsizlik Şurasının Baş katibi Nikolay Patruşev çıxış edib.

Onun sözlərinə görə, hazırda Ukraynadan baş verən müharibə məhz həmin çevrilişin nəticəsidir:

"Bu destabilizasiya layihəsinin arxasında dayanan əsas məsələ Rusiyanın zəiflədilməsidir. Bununla bərabər, Avropa Birliyi ölkələrinin fəaliyyəti məhdudlaşdırılmış olur. Əgər onlar gözləsəydilər, öz adamlarını hakimiyyətə gətirə bilərdilər. Amma onlar dövlət çevrilişini seçdilər. Çevriliş olmasaydı, Krımla Şərqi Ukrayna məsələsi də olmayacaqdı".