İŞİD-in Təl-Əbyadı PYD-yə təslim etməsindən sonra Türkiyə Daxili İşlər Nazirliyində kritik müzakirə keçirilib.

Axar.az xəbər verir ki, müzakirələrin nəticəsinə görə, Türkiyə İŞİD-lə mübarizəyə hər platformadan davam edəcək və PYD-nin Suriya ilə bağlı qırmızı xətti keçməsinə göz yumulmayacaq.

Türkiyənin Təl-Əbyad başda olmaqla Şimali Suriyadakı kürd bölgəsi ilə bağlı mövqeyinə ən çox dəstəyin ABŞ tərəfindən gəldiyi də açıqlanıb.

Qeyd edək ki, PKK-nın Suriya qolu olan PYD-nin bölgədə türkmən və ərəbləri boşaldaraq yerlərinə kürdləri yerləşdirməsinə dair Türkiyənin mövqeyi artıq ABŞ rəhbərliyinə, BMT-yə, BMT-nin Təhlükəsizlik Şurasına, Avropa Birliyinə və NATO-ya çatdırılıb.