Tvitterdə "Mahnı virusu" adlanan spam mesajlaşma xidməti vasitəsilə sürətlə yayılır.

Axar.az xəbər verir ki, virus hesaba "Mahnı möhtəşəmdir" və ya "Bu mahnı məndən sənə gəlsin" tipli mesajlar ilə göndərilən "google.gl/skMasm" və ya buna bənzəyən linkləri açıldıqda yayılır.

Spam kimi göndərilən mesajdakı linki açan istifadəçi saxta bir hesaba yönləndirilir və virus onun hesabına da keçir. İstifadəçi bilmədən spam göndərən hesablardan birinə çevrilir.

Tvitter bu məsələ ilə bağlı hələ rəsmi bir açıqlama verməyib.

Bu an üçün virusdan qorunmağın tək yolu bu tip mesajları açmamaqdır.