Ukraynada da Gürcüstanda olduğu kimi çox kiçik elita mövcuddur.

Axar.az xəbər verir ki, bunu Odessa qubernatoru Mixail Saakaşvili İCTV telekanalının efirində deyib.

"25 ildir eyni insanlar karuseldə fırlanırlar. Onlar əvvəlcə hökumətdə, daha sonra müxalifətdə olur. Daha sonra biznesə gəlir həmişə olduğu kimi pullarını qazanırlar. Onlar bağlı bir qrupdur. Bu karuseldən ancaq kiçik bir qisim düşə bilir. Yenilərə isə yer yoxdur", - Saakaşvili bildirib.

Qubernator bu karuseli dayandırmağın vacib olduğunu deyib:

"Hamınız ordan düşün, ora uşaqları buraxın!"

Saakaşvili bildirib ki, islahatlar aparmaq üçün yaşlı kadrların yerinə gəncləri yetişdirmək lazımdır.