Belarus ətrafında baş verən son hadisələr Minsklə Avropa ölkələri arasında əlaqələri gərginləşdirəcək, lakin məsələ beynəlxalq təcridetməyə qədər gedib çıxmayacaq.

Axar.az xəbər verir ki, bu sözləri rusiyalı siyasi ekspert Nikolay Mejeviç deyib.

“Xatırlatmaq istərdim ki, Minskdən şərqdə Moskva və Pekin var. Bu, Minski beynəlxalq izolyasiyadan xilas edir”, - deyə ekspert bildirib.

Qeyd edək ki, Afinadan Vilnüsə uçuş icra edən sərnişin təyyarəsi göyərtəsində guya bomba olması xəbəri ilə təcili Minskdə eniş edir və təyyarədə olan “Nexta” Teleqram kanalınn qurucusu, Belarusun ekstremist elan etdiyi Roman Protaseviç saxlanılıb. Bu insidentdən sonra Avropa İttifaqı ölkələrinin rəsmiləri dərhal R.Protaseviçin qeyd-şərtsiz azadlığa buraxılması, Minskə məhdudlaşdırıcı tədbirlərin tətbiq edilməsi çağırışı ediblər.