"Viktor Yanukoviçin əsas məqsədi Rusiya Prezidenti Vladimir Putinlə Xarici İşlər naziri Sergey Lavrovun tezisini yenidən səsləndirmək idi".

Axar.az xəbər verir ki, bunu politoloq Yuri Paliyçuk söyləyib.

Onun sözlərinə görə, Yanukoviç bir müddətdən sonra yenidən Ukraynaya dönə bilər:

"Ukraynanın keçmiş prezidenti Viktor Yanukoviç hökumətin "Donetsk və Luqansk Xalq Respublikaları" ilə danışıqları masa ətrafında aparmalı olduğunu deyib. Zənnimcə, onun əsas tezisi və məqsədi də Putinin və Lavrovun dediklərini təkrar etmək idi. Əgər Kiyevdə Rusiya yönlü marionet hökuməti yaradılacaqsa, o zaman Yanukoviç yenidən Ukraynaya dönəcək və Donetskdə sülh içində yaşayacaq".

Qeyd edək ki, Yanukoviç iyunun 22-də BBC telekanalına müsahibəsində Maydanda baş verən qətllərə görə məsuliyyət daşıdığını etiraf etmişdi.