Rusiya yeni bir ordu qurur, nüvə potensialını inkişaf etdirir və nüvə potensialı adı altında müharibələr aparır. O, Qərbi və qonşularını təəccübləndirmək və qorxutmaq məqsədi ilə genişmiqyaslı hərbi təlimlər təşkil edir.

Axar.az xəbər verir ki, bu barədə Almaniyanın "Di Velt" (Die Welt) nəşrində dərc olunan məqalədə bildirilib.

"Putinin problemi ondadır ki, Rusiya iqtisadiyyatı xammal və silah xaricində hər hansı bir sahədə qarşıdurma aparmaq gücündə deyil. Və bu dəyişməyəcək. Hibrid müharibə isə çox bahalıdır. Xarici iqtisadiyyat bu pulu gətirmir və Kremlin bir qərar qəbul etməsinə ehtiyac var: ya hücum etmək, ya da Rusiya daxilindəki ictimai quruluşu təhdid etmək...", - məqalədə qeyd olunub.

Daha sonra vurğulanıb ki, iqtisadi Rusiya ilə hərbi Rusiya arasında uçurum mövcuddur.