Türkiyə Polşa üçün ABŞ-dan daha etibarlı müttəfiqdir.

Axar.az xəbər verir ki, bu barədə Polşanın “Wgospodarce” portalında yayımlanan məqalədə deyilir.

“Polşa prezidentinin Türkiyəyə səfəri göründüyündən daha çox önəmlidir və geosiyasi əhəmiyyət kəsb edir. Polşa hələ də şərqdə ən böyük təhlükə kimi Rusiyanı görür. Rusiya ilə əlaqələr gərgindir. Təhlükəsizliyimiz üçün Rusiya ilə mənafeləri üst-üstə düşməyən ölkə ilə müttəfiq olmalıyıq. ABŞ bu məsələdə etibarlı müttəfiq deyil. ABŞ rusların xeyrinə qərarlar qəbul etməkdədir. Təhlükəsizliyimizi bu ittifaqa bağlamaq sadəlövhlükdür. Türkiyə ilə əlaqələri gücləndirməliyik”, - deyə məqalədə bildirilib.

Qeyd edək ki, bir neçə gün öncə Polşa Prezidenti Andjey Duda Türkiyədə işgüzar səfərdə idi. Əldə olunmuş razılıq əsasında, Türkiyə ilk dəfə olaraq NATO və Avropa İttifaqı üzvü olan ölkəyə PUA-lar (Bayraqdar TB2) ixrac edəcək.