Quql (Google) şirkəti jurnalistlər üçün yeni xidmət istifadəyə verəcək.

Axar.az xarici mətbuata istinadən xəbər verir ki, şirkətin istifadəyə verdiyi yeni xidmət "Nyus Lab" ("News Lab") adlanır.

Xidmətin rəhbəri Stiv Qrouv qeyd edib ki, məqsəd jurnalistlər və sahibkarlarla əməkdaşlıq edərək, gələcək KİV-i yaratmağa yardım etməkdir.

Yeni servisə nəşriyyatların Quql resurslarından, o cümlədən digər imkanlardan maksimum fayda qazanmaqla bağlı mövzularda tövsiyələr və video-təlimatlar daxil ediləcək.

Şirkət nümayəndəsi qeyd edib ki, yeni layihənin məqsədi gələcək xəbərlərin və informasiyanın obrazının yaradılmasına yönələn proqramların ərsəyə gətirilməsi, eləcə də KİV-də yeni imzaların imkanlarının genişlənməsidir.

Nyus Lab xidməti təşəbbüsdür. Hazırda layihə çərçivəsində ABŞ, Böyük Britaniya, Fransa və Almaniyadan olan mütəxəssislər qrupu işləyir.