"Ukraynadakı böhran ssenarisinin ilk mərhələsi indi İrəvanda təkrarlanır".

Axar.az xəbər verir ki, bu açıqlama ilə rusiyalı millət vəkili İqor Morozov çıxış edib.

O bildirib ki, Sərkisyan Ukraynadakı Maydandan dərs çıxarmasa, hər an dövlət çevriliş ola bilər:

"İrəvanda yaşananlar Ukrayna hadisələri ilə eyniyyət təşkil edir. O dönəmdə Ukrayna müxalifəti Yanukoviçlə görüşməyi rədd etmişdi. Etirazçılar arasında avropalı siyasətçilər də yer alırdı. Prosesin ABŞ-ın Kiyevdəki səfirliyindən idarə edildiyi çox açıq idi. İndi də ABŞ-ın İrəvandakı səfirliyi etirazlara dəstək verir".

Qeyd edək ki, rus millət vəkili ayrıca ABŞ xaricdəki ən yüksək diplomatik heyətinin İraqdan sonra Ermənistanda olmasına da diqqət çəkib.