ABŞ rəhbərliyində HƏMAS-a qarşı dəyişiklik hiss olunur.

Axar.az xəbər verir ki, bu barədə İsrailin "Haaretz" qəzeti məlumat yayıb.

Qəzet yazır ki, tərəflər gələcəkdə daha fərqli münasibətlərə sahib ola bilərlər:

“Münasibətin yumşalması üçün çalışanlardan biri də ABŞ Dövlət katibinin İsrail və Fələstin işləri üzrə köməkçisi Hadi Amrdır. Hətta Vaşinqtondakı yəhudi sağ hərəkatı Amrın 2018-ci il üzrə araşdırmasından da narahat olub.
Bildirilir ki, araşdırmada uzun müddətli atəşkəsin əldə olunması, Qəzzada ABŞ yardım quruluşlarının artırılması təşviq edilib.

Bununla yanaşı İsraili Qəzzanı mühasirədə saxlamaqdan imtina etməyə və HƏMAS-ın siyasi qərar qəbuletmə prosesinə cəlbinə çağırış edilib".

Məqalədə vurğulanıb ki, əgər Tramp Talibana azadlıq veribsə və Bayden husiləri terror qruplaşması siyahısından çıxarıbsa, onda Ağ Evdən HƏMAS-a telefon zəngi gələ bilər.