Ümumdünya Səhiyyə Təşkilatı (ÜST) Çinin “Sinovak Bioteç” şirkətinin COVİD-19 virusu əleyhinə “KoronaVak” peyvəndini təcili istifadə üçün təsdiqləyib.

Axar.az xəbər verir ki, bu, ÜST-nin COVİD-19 virusu əleyhinə təcili istifadə üçün təsdiqlədiyi 2-ci Çin peyvəndidir.

Bundan əvvəl “Sinofarm” şirkətinin peyvəndi ilə bağlı eyni qərar verilmişdi. Bu qərar “KoronaVak” peyvəndinin COVAX təşəbbüsü çərçivəsində paylanmasına imkan yaradacaq.

Xatırladaq ki, Azərbaycanda yanvarın 18-dən həyata keçirilən vaksinasiya prosesində Çinin “Sinovak” şirkətinin istehsal etdiyi “KoronaVak” peyvəndindən də istifadə olunur.