Rusiya sərt, əslində isə müharibə anlamına gələn Qərb sanksiyalarına hazır olmalıdır.

Axar.az xəbər verir ki, bunu “Rostex” korporasiyasının rəhbəri Sergey Çemezov deyib.

“Hazırkı sanksiyaları yumşaq adlandırmaq olmaz. Həyatı çətinləşdirmək üçün lazım olan şeylər edilib. Ən sərt sanksiyalar, əslində, müharibə deməkdir. Təbii olaraq, buna biz hazır olmalıyıq. Düşünürəm ki, bu müharibəyə amerikalılar və avropalılar hazır deyil. İlk növbədə avropalılar hazır deyillər. Rusiya və Avropanın güclü qarşılıqlı maraqları var, amma ABŞ-la ticarət həcmi kiçikdir və buna görə də heç bir asılılıq yoxdur. Avropa sanksiyalar ucbatından Rusiyaya öz məhsullarını satmaq imkanından məhrum olacaq. Əlbəttə, bundan avropalıların zövq almaq imkanı yoxdur. Biz hər şeyi edirik ki, tərəfdaşlıq münasibətlərimizi deqradasiyadan qoruyaq”, – deyə o bildirib.