Türkiyənin səxavətlə suriyalı miqrantları qəbul və iqtisadiyyata inteqrasiya etdiyini şəxsən görmüşəm.

Axar.az xəbər verir ki, bu sözləri Türkiyədə səfərdə olmuş ABŞ-ın BMT-dəki daimi nümayəndəsi Linda Tomas Qrinfild deyib.

“Suriyalıların çəkdiyi əzablarla bağlı özümüzə sual verməliyik. NATO müttəfiqimiz Türkiyə ilə strateji əlaqələrimiz var”, - deyə diplomat bildirib.

O, koronavirus pandemiyasının Suriyada humanitar vəziyyəti daha da dözülməz etdiyini əlavə edib:

“Cilvəgözü sərhəd-keçid məntəqəsində (Türkiyə) humanitar yardım mərkəzi bir çox suriyalını həyata bağlayan yeganə yoldur. BMT buradakı ac uşaqlara, evsiz ailələrə yardım göndərməlidir. BMT-nin bura COVİD-19 əleyhinə peyvənd göndərməsini istəyirik”.