Türkiyəyə qarşı donanmasını yeniləməyə hazırlaşan Yunanıstana təklif göndərən ölkələr bəlli olub.

Axar.az xəbər verir ki, bu barədə Yunanıstanın “Kathimerini” qəzeti məlumat yayıb.

Qəzet yazır ki, ötən ildən başlayaraq böyük bir silahlanma proqramı həyata keçirən Afina rəhbərliyi yeni döyüş gəmiləri üçün 7 ölkədən gələn təklifləri Yunanıstan Baş naziri Kiriakos Miçotakisə təqdim edib:

“Rəsmi təklif ABŞ, Fransa, Hollandiya, İngiltərə, İtaliya, İspaniya və Almaniyadan gəlib. Altı ölkə ehtiyac duyulan döyüş gəmilərini öz ərazilərində istehsal etmək istəyir. Rəsmi Afina isə istehsalın Yunanıstanda aparılmasını tələb edir”.

Qeyd edək ki, gələn həftə NATO toplantısında K.Miçotakis Türkiyə Prezidenti Rəcəb Tayyib Ərdoğanla bir araya gələcək. Buna baxmayaraq, Yunanıstan bir tərəfdən Aralıq, digər tərəfdən Egey dənizində Türkiyəyə qarşı addımlar atmağa çalışır.