Çinin Sintszyan-Uyğur Muxtar Rayonunda oruc tutmağın qadağan edilməsi ilə əlaqədar polis və əhali arasında qarşıdurma yaranıb.

Axar.az xəbər verir ki, uyğurlar Qaşqar şəhərində polisə hücum edib.

Uyğurların hücumundan sonra isə polisin həyata keçirdiyi əməliyyat nəticəsində 18 nəfər ölüb.

Qeyd edək ki, Çin rəhbərliyi keçən il olduğu kimi, bu il də Sintszyan-Uyğur Muxtar Rayonunda məmur, şagird və müəllimlərin oruc tutmasını qadağan edib.

Sintszyan-Uyğur Muxtar Rayonunda müsəlman uyğurlar və çinlilər arasında daim gərginlik yaşanır. Son illərdə yaşanan qarşıdurmalarda bölgədə yüzlərlə adam həlak olub.