Türkiyənin İstanbul şəhərində model qız sevgilisi tərəfindən ölümünə döyülüb. Həbsindən bir gün sonra sərbəst buraxılan Onur Özbirdək sevgilisini onu ələ verdiyi üçün döydüyünü etiraf edib.

Axar.az-ın xəbərinə görə, restoranların birində silahla atəş açdığı iddiası ilə saxlanmış O.Özbirdək bir gün sonra sərbəst buraxılıb.

O, həbsdən çıxar-çıxmaz şəhərin Nişantaşı ərazisində sevgilisini tapıb, meşəliyə aparıb, orada vəhşicəsinə döyüb və qaçıb. M.Ç. ad-soyadla təqdim olunan model qız sevgilisi tərəfindən tanınmaz hala salınıb. Model qız xəstəxanaya yerləşdirilib, sevgilisi həbs olunub.