Şimali Koreya lideri Kim Çen İn həddindən artıq çəki itirib.

Axar.az xəbər verir ki, bu barədə “Nyu York Tayms” yazıb.

Bildirilir ki, yaxın günlərdə kamera qarşısına çıxan ölkə liderinin çəki itirdiyi açıq-aşkar görünüb.

Bununla bağlı yayılan fotolar müzakirələrə səbəb olub. Fotoda Kimin qoluna taxdığı saatla onun arıqladığıhiss edilir. Ölkə liderinin saatın kəmərini əvvəlki görüntülərlə müqayisədə çox sıxdığını görmək olar.

Kimin sol biləyinin indiki halını bu ilin mart ayında və ötən ilin noyabrında çəkilən fotolarla müqayisə etsək, onun həddindən artıq çəki itirdiyini görə bilərik.

Qeyd edək ki, bəzi mənbələr Şimali Koreya liderinin əvvəlki çəkisinin 140 kiloqram olduğunu yazır. Onun birdən-birə bu qədər arıqlamağı hər hansı bir xəstəlikdən əziyyət çəkməsinə şübhələr yaradıb.