Suriya və İraqda böyük əraziləri nəzarətdə saxlayan İŞİD terror təşkilatı gözünü Əfqanıstana dikib.

Axar.az xəbər verir ki, yerli mənbələr son bir neçə ayda təşkilatın bu ölkədə gücləndiyini, hətta bəzi ərazilərdə nəzarəti ələ keçirdiyini iddia edir.

Yayılan məlumatlara görə, İŞİD-in Əfqanıstanda nüfuzunun artması Talibanın maraqlarına uyğun gəlmir. Bu səbəbdən təşkilatlar arasında müxtəlif vaxtlarda qarşıdurmaların yarandığı bildirilir.

Əfqanıstan Müdafiə Nazirliyindən verilən məlumata görə, Nəngərhar vilayətinin Zeva bölgəsində yaranan son qarşıdurmada 5 İŞİD, 7 Taliban üzvü öldürülüb.

Xatırladaq ki, bir müddət öncə BMT-nin Əfqanıstan nümayəndəsi İŞİD-in bu ölkədə gücləndiyi barədə xəbərdarlıq etmişdi.