Hollandiyada niqablı qadın avtobusa buraxılmayıb. Ölkənin Osterhaut qəsəbəsində bu problemlə qarşılaşan Hadiyə Ümmü Rukiyə adlı müsəlman sürücü ilə arasındakı dialoqu telefonunun kamerası ilə çəkib.

Axar.az xəbər verir ki, Hollandiyanın Liberal Sağ Partiyası ilə İşçi Partiyasının birgə protokolunda niqab qadağası yer alır. Hökumət və nazirliklərin tövsiyəsi əsasında bu qadağa qanunla rəsmiləşdirilib.

Ancaq qanun qüvvəyə minmədiyi üçün tətbiqinə başlanmayıb. Hadiyə ilə sürücü arasındakı mübahisədə qadın qanunun qüvvəyə minmədiyini izah etməyə çalışıb. O, sürücüdən şikayət edəcəyini söyləyib və sürücü də bunun onun hüququ olduğunu xatırladaraq yoluna davam edib. Qanun layihəsinə görə, niqablı qadınlar ictimai nəqliyyatdan istifadə edə bilməz, inzibati binalara və məhkəmələrə daxil olması qadağandır, əks halda, onlara 405 avro cərimə kəsiləcək.