12:38

İndoneziya ordusuna aid təyyarə Sumatra adasında hotel və evlərin üstünə düşərək ən azı 30 adamın ölümünə səbəb olub.

Axar.az xəbər verir ki, hadisədən sonra axtarış-xilasetmə qrupları hadisə yerinə gəlib.

Axtarış-xilasetmə qrupunun rəsmisi "Röyter"ə ölü sayının arta biləcəyini açıqlayıb.

15:55

İndoneziyanın Şimali Sumatra əyalətində yerləşən Medan şəhərində hərbi nəqliyyat təyyarəsi qəzaya uğradıqdan sonra hadisə yerində 38 nəfərin cəsədi tapılıb.

Xilasedicilərdən birinin sözlərinə görə, qəza yerində hələ də çox sayda cəsəd qalmaqdadır. Eyni zamanda, EFE agentliyi təyyarənin göyərtəsində 12 nəfərin olduğunu qeyd edir.

***

İndoneziyanın "Hercules C-130" hərbi-nəqliyyat təyyarəsinin qəzaya uğraması nəticəsində 113 nəfər ölüb.

Bunu İndoneziyanın hərbi hava qüvvələri komandanı Aqust Supriyatna bildirib. O, qeyd edib ki, qəzada sağ qalan olmayıb.