Qazaxıstan Prezidenti Nursultan Nazarbayev barəsində yeni sənədli film hazırlanıb.

Axar.az xəbər verir ki, Nazarbayev filmdə doğmaları və dostları barədə açıqlamalar verib.

Ən diqqət çəkən məqam isə kürəkəni Rahat Əliyev barəsində dedikləri olub.

O, kürəkənini həbs etdikdən sonra qızının 3 uşağı ilə birgə ağlayaraq, onun yanına gəldiyini bildirib.

Lakin Nazarbayev ölkəsində heç kimin toxunulmaz olmadığını deyib.

Nazarbayev haqqında film bu gün Qazaxıstanın "Xabar" və KTK kanallarında yayımlanacaq.

Qeyd edək ki, Rahat Əliyev Nazarbayevin qızı Dariqe Nazarbayevlə evli olub. Qazaxıstanın Avstriyadakı keçmiş səfiri olmuş Rahat Əliyev vətənində iki yüksək rütbəli bank menecerini oğurlatdıraraq qətlə yetirilməsi sifarişini verməkdə ittiham olunub. O, bu ilin fevralında Avstriya həbsxanasında intihar edib.