Gürcüstanda 2021-ci ilin yerli özünüidarəetmə seçkiləri 2 oktyabr tarixində baş tutacaq.

Axar.az xəbər verir ki, bu barədə hakim partiyanın üzvü Şalva Papuaşvili parlamentin plenar iclasında açıqlama verib.

O qeyd edib ki, bu barədə ölkənin Seçki Məcəlləsinə edilən düzəlişlərdə əksini tapıb:

"Seçki kodeksində qeyd edilib ki, yerli özünüidarəetmə seçkiləri oktyabr ayının ilk şənbə günü baş tutacaq. Bu müddəaya əsasən, seçkilər 2021-ci ilin 2 oktyabr tarixində keçiriləcək", - deyə Ş. Papuaşvili əlavə edib.

Qeyd edək ki, seçki kodeksinə dəyişikliklər paketini parlament hazırda ikinci dinləmələrdə müzakirə edir.