Afina Avropa Birliyi ilə Türkiyə arasında yeni əməkdaşlıq ehtimalı ilə əlaqədar narahatdır, bu səbəbdən Ankara ilə problemlərini gündəmə gətirmək istəyir.

Axar.az xəbər verir ki, bunu rusiyalı ekspert Yuliya Kudryaşova deyib.

"Düşünürəm ki, hər iki ölkənin atdığı addımlar lokal bir güc nümayişidir. Buna görə böyük bir böhran yaranmayacaq", - ekspert qeyd edib.

Y.Kudryaşova bildirib ki, Türkiyə Suriya münaqişəsində daha geniş rol almaq vəzifəsini üzərinə götürüb:

"Ancaq bu dəfə Türkiyə addımlarını NATO və AB ilə siyasi olaraq koordinasiya etməyi planlaşdırır. Beləliklə, Ankara böyük ehtimalla Yaxın Şərqdə və xüsusilə Suriyadakı fəaliyyəti üçün dəstək almaq və böyük ölçüdə NATO adından çıxış etmək istəyir. Göründüyü kimi, Yunanıstan bütün bunlardan narahatdır və Türkiyə ilə problemlərini bir daha gündəmə gətirmək barədə qərar verib".