NEXTA Teleqram kanalının bir müddət öncə həbs edilmiş keçmiş baş redaktoru Roman Protaseviç ev dustaqlığına buraxılıb.

Axar.az xəbər verir ki, bu məlumatı BBC-nin rusca xidməti yayıb.

Qeyd edək ki, Protaseviç mayın 23-də “Ryaneyr” aviaşirkətinin təyyarəsinin məcbur endirilməsindən sonra Belarus xüsusi xidmət orqanları tərəfindən həbs edilmişdi. Minskin bu addımı Avropa Birliyinin kəskin reaksiyasına səbəb olmuş, Minskə qarşı sanksiyalar dalğası başlamış və bəzi ölkələr Belarus üzərindən uçuşları dayandırmışdı.