Türkiyə COVİD-19 pandemiyasına qarşı uğurlu şəkildə mübarizə aparır.

Axar.az xəbər verir ki, bunu Ümumdünya Səhiyyə Təşkilatının Türkiyə nümayəndəsi professor Batır Berdiklıçev deyib.

"Həqiqətən də peyvəndləmə göstəriciləri sevindirici səviyyədədir. Türkiyə peyvənd sahəsində lider ölkələrdən biri olub. Bir çox insan vaksinin 2-ci dozasını vurdurub. 3-cü doza peyvəndlər də vurulmağa başlayıb. Hər kəs peyvənd olunmalıdır. Virus var olduqca yoluxanlar da olacaq. Yoluxmanın azalması üçün peyvəndləmə davam etdirilməlidir. Türkiyə bu baxımdan çox yaxşı vəziyyətdədir. Səhiyyə Nazirliyi peyvəndlənməni artırmaq üçün məşhurlarla kampaniya təşkil edib. Onu da izləyirik. Bunun nə qədər önəmli olduğunu görürük", - deyə professor bildirib.