Vladimir Zelenski Ukrayna xalqını başqa hekayəyə, başqa inanca inanmağa vadar edir və bu, özünüməhv yoludur.

Axar.az xəbər verir ki, bu sözləri Rusiya Dövlət Dumasının Beynəlxalq Əlaqələr Komitəsinin üzvü Natalya Poklonskaya deyib.

“Ukrayna rəhbərləri böyük aktyor ustalığı ilə insanları ayırmaq tapşırığını yerinə yetirir. 2014-cü il olaylarından əvvəl yaradıcı insan olan Vladimir Zelenski bir xalq haqqında xoşniyyətli film nümayiş etdirirdi: ukraynalılar və ruslar... Prezident olduqdan sonra isə özünə ciddi siyasi öhdəliklər yükləyən Zelenski başqa bir “film”də oynamağa məcbur oldu: Bizlər arasında (Rusiya-Ukrayna –red.) nifaq toxumu səpmək, köklərini unutdurmaq, fərqli tarixə inandırmaq... Bu yol özünü məhv etməyin, böyük slavyan ailəsinin bir hissəsi olan Ukrayna xalqını itirməyin yoludur”, - deyə Poklonskaya bildirib.