Avropa Birliyi (AB) Türkiyə ilə əlaqələri ittifaq üzvlüyünə namizəd ölkə kimi deyil, yalnız miqrant problemini həll etmək üçün inkişaf etdirmək niyyətindədir.

Axar.az xəbər verir ki, bu sözləri rusiyalı ekspert Vladimir Avatkov deyib.

“Türkiyə və AB arasında əlaqələr son dərəcə aşağı səviyyədədir. Bunun səbəbi odur ki, Qərb Türkiyəni müstəqil oyunçu kimi qəbul edə bilmir və nəticədə Ankaranı öz iradəsinə tabe etdirməyi bacarmır. Koronavirus xaricində Avropanın məşğul olduğu məsələ miqrasiya problemidir. Bu mənada Ankaranın əlində bir çox üstünlüklər var. Brüssel də bunu yaxşı anlayır və Ankaraya təzyiq kimi əlindəki alətlərdən istifadə etməyə çalışır. AB üçün ən ümdə məsələlərdən biri miqrasiya baxımından özünü və sərhədlərinin təhlükəsizliyini təmin etməkdir”, - deyə ekspert bildirib