Gürcüstanın keçmiş prezidenti, Ukrayna Milli İslahat Şurasının sədri Mixail Saakaşvili Donbasdakı döyüşlərin qızğın vaxtında ABŞ-ın Donetski ələ keçirmək üçün bir plan hazırladığını söyləyib.

Axar.az xəbər verir ki, o, bunu "Ukrayna 24" kanalına verdiyi müsahibəsində deyib.

Siyasətçi ABŞ Mərkəzi Komandanlığının keçmiş başçısı David Petraeusun Kiyev rəhbərliyini Donetskə hücum etməyə çağırdığını və hətta şəhəri almaq üçün bir plan hazırladığını iddia edib:

“Yadımdadır, Donetski götürə biləcəkləri bir an var idi. Bunu öz adımdan demirəm. General Petraeus mənə uzun bir SMS göndərmişdi, o zaman mən Nyu Yorkun şimalındaydım. O, mənə "A, B, C, D, D" yazmaqla, Donetskə getmək üçün əlverişli vaxtın olduğunu bildirdi".

Onun sözlərinə görə, Petraeus Donetski ələ keçirməyin zəruriliyində israr edib və bunu təhlükəsizlik qüvvələrinin guya özlərinin edə biləcəyi ilə əsaslandırıb.

Saakaşvili Amerika generalının planını Poroşenkoya göndərdiyini, ancaq onun reaksiya vermədiyini əlavə edib:

"Yaxşı, heç olmasa geri zəng et, maraqlan, bu şəxsi dəvət et, fikirlərini dinlə. Ən azından bunu edərdi".