Avropa Ədalət Məhkəməsinin bu qərarı müsəlmanlara qarşı qərəz bəsləyən islamofob dairələri cəsarətləndirəcək.

Axar.az xəbər verir ki, bu sözləri AKP-nin sözçüsü Ömər Çelik Avropa Birliyi Ədalət Məhkəməsinin hicabla bağlı qadağasına münasibət bildirərkən deyib.

Çelik Avropa Birliyində şirkətlərin müəyyən şərtlər altında işçilərinə hicab taxmalarını qadağan etməsinə qarşı çıxıb.

Avropa Birliyinin dini azadlıqların hüquqlarını pozma qərarının səhv olduğunu söyləyən Çelik bunun hüquq və azadlıq sisteminə də uyğun gəlmədiyini vurğulayıb.

“Bu qərarın Avropadakı müsəlman qadınlara dini inanclarına görə artan ayrı-seçkilik dövrünə təsadüf etməsi təəssüf doğurur. Bu, irqçilik və islamofobiya ilə mübarizəyə zərbə vuran bir qərardır", - AKP sözçüsü qeyd edib.