Avropa Komissiyası (AK) avqust ayında AB-də qanunun aliliyi prinsipini pozduğu üçün Polşaya qarşı maliyyə sanksiyalarının tətbiq edilməsi prosesinə başlaya bilər.

Axar.az xəbər verir ki, bunu qurumun sədr müavini Vera Yurova deyib.

Qeyd olunur ki, AK Polşadan Avropa Ədalət Məhkəməsinin 14 iyul tarixli qərarına (bu ölkədə hakimlərə qarşı intizam tədbirləri sistemində dəyişiklik tələb edilməsi) əməl edilməsini tələb edib.

Polşa 16 avqusta qədər bu istiqamətdə gördüyü tədbirlər barədə Avropa Komissiyasına məlumat verməlidir. Bu, baş vermədiyi təqdirdə Aİ maliyyə cərimələrinin tətbiq edilməsi ilə bağlı Avropa Ədalət Məhkəməsinə müraciət edəcək və pozuntuların aradan qaldırılması üçün Polşaya qarşı maliyyə sanksiyalarının tətbiq edilməsi proseduruna başlanılacaq.