Yaponiya beş ölkə ilə peyvənd pasportlarının qarşılıqlı tanınması məsələsi barədə razılıq əldə edib.

Axar.az xəbər verir ki, bu barədə iyulun 21-də Tokioda keçirilən ənənəvi mətbuat konfransı zamanı Yaponiya Nazirlər Kabinetinin baş katibi Katsunobu Kato məlumat verib.

“Hazırda müvafiq ölkələrin qanunvericiliyinə uyğun olaraq biz İtaliya, Avstriya, Türkiyə, Polşa və Bolqarıstanla peyvənd pasportlarının qarşılıqlı tanınması barədə razılıq əldə etmişik”, - deyə məlumat verən baş katib Yaponiya vətəndaşlarının bu ölkələrə səfər zamanı karantinə cəlb olunmayacaqlarını bildirib.