İrəvan polisi şəhərin müxtəlif ərazilərində nəqliyyat vasitələrində yoxlanışlara başlayıb.

Axar.az xəbər verir ki, erməni mediasında yayılan görüntülərdə polis əməkdaşlarının maşında olan sürücü və sərnişinləri düşürüb, onların üzərində yoxlanışlar apardığı görünür.

Əsasən şəhərin Kentron, Arabkir və Nor-Nork səmtlərində təhlükəsizlik tədbirləri gücləndirilib. Hətta İrəvandan giriş-çıxışlarda da bu kimi yoxlamaların həyata keçirildiyi deyilir.

Bəzi məlumata görə, bu tədbilər təlim şəraiti ilə əlaqədardır. Belə ki, hüquq-mühafizə orqanları strukturlarında İrəvanın post-patrul xidmətinin fəaliyyətindən ciddi narazılıq mövcuddur, işin yüksək səviyyədə icra edilmədiyi söylənilir.