Özbək əsilli rusiyalı milyarder Əlişir Usmanovun 256 milyon dollar dəyərindəki “Dilbər” adlı superyaxtası İstanbul boğazından keçib.

Axar.az Virtualaz.org-a istinadla xəbər verir ki, yaxtanın Bodrum sahillərinə getdiyi təxmin edilir.

Usmanov 13.5 milyard dollarlıq sərvəti ilə Rusiyanın üçüncü, dünyanın 71-ci ən zəngin adamıdır. Onun 156 metr uzunluğundakı super yaxtası 40 sərnişin üçün nəzərdə tutulub və 80-dən artıq heyət üzvü var. Yaxtada vertolyot meydançası, 3800 kvadratmetrlik yaşayış sahəsi, 20 lüks otağı və s. var.