Ana səhifə Planet |
2021.07.28 - 17:38
Türkiyənin Antalya şəhərinin Manavqat bölgəsində meşəlik ərazidə yanğın başlayıb.
Axar.az Türkiyə mediasına istinadən xəbər verir ki, yanğın küləyin də sürəti ilə şəhər mərkəzinə doğru böyüyür.
Yanğının söndürülməsi üçün xeyli texnika, 412 canlı qüvvə və 19 helikopter cəlb edilib.
Yaxınlıqda yerləşən sakinlərin ərazidən təxliyəsinə başlanılıb.
***
Antalyada güclü meşə yanğını nəticəsində ən azı 53 nəfər yaralanıb.
Bu barədə Türkiyənin kənd təsərrüfatı və meşə naziri Bəkir Pakdəmirli məlumat yayıb.
***
Yanğın səbəbindən bir çox ev, iş yeri, tövlələr, əkin sahələri, istixanalar, avtomobillər zərər görüb.
Bu barədə AFAD məlumat yayıb.
Qeyd olunub ki, yanğının söndürülməsi üçün 19 helikopterlə bərabər, 1 yanğınsöndürmə təyyarəsi, 960 canlı qüvvə cəlb olunub.
***
Antalyadakı yanğında xəsarət alanların sayı 62-yə yüksəlib.
Bu barədə ölkənin səhiyyə naziri Fəxrəddin Qoca məlumat verib.
O qeyd edib ki, bölgədəki xəstəxanaların təxliyəsi müzakirə mövzusu deyil.
Yanğının 9 saatdan çoxdur davam etdiyi bildirilib.
Manavqat Baş Prokurorluğu 4 ayrı nöqtədə baş verən yanğınlarla əlaqədar istintaq işi başladıb.
Tarix
2021.07.29 / 01:16
|
Müəllif
Söhrab İsmayıl
|