Hindistanın Assam ştatı ilə Mizoram ştatı arasında gərginlik daxili müharibə həddinə çatıb.

Axar.az xəbər verir ki, 26 iyulda iki ştat arasında baş verən insident zamanı 60-dan çox insan yaralanıb, 6 polis əməkdaşı öldürülüb.

Artıq Assam ştatının rəhbərliyi Mizoramla sərhədə 4 min əsgər göndərilməsi barədə qərar qəbul edib.

Qeyd edək ki, Mizoram 1972-ci ilə qədər Assamın əyaləti olub, lakin 1986-cı ildə ştat statusu alıb. 1980-ci illərin əvvəllərindən bəri Delhi rəhbərliyinin tərəflər arasındakı sərhəd münaqişəsinin həlli üçün apardığı sülh danışıqları nəticəsiz qalıb.