Biz qeyri-qanuni miqrasiyanın mərkəzinə çevrilmişik. Təkcə son iki ay ərzində sərhədimizi üç mindən çox insan keçib. Bu, son illərlə müqayisədə qırx dəfə çoxdur.

Axar.az xəbər verir ki, bunu Litva Seyminin Milli Təhlükəsizlik və Müdafiə Komitəsinin rəhbəri Laurinas Kaşyunas deyib.

"Bunun səbəbi nədir? Məsələn, Ukraynada az adam bilir ki, bu miqrantların əksəriyyəti Belarus vətəndaşları deyil. Əsasən bunlar İraqdan olan müsəlmanlardır. Və sxem eyni zamanda həm sadə, həm də mürəkkəbdir.

Qanunsuz miqrantlar Minskə Bağdaddan birbaşa və ya İstanbuldan turist vizası ilə gəlirlər. Tamamilə qanuni olaraq bir neçə gün Belarusda olurlar. Sonra Belarus strukturları onları sərhədimizə qədər müşayiət edir. Oradan necə keçməyi axtarırlar. Bəzən bələdçilər onlara tam olaraq hara getməli olduqlarını göstərirlər.

Miqrantlar sərhədçilərimizə hər adam üçün 3-7 min avro ödədiklərini bildiriblər. Bunu qəbul etmək məntiqlidir, çünki onlar sərhədi qorumurlar. Ancaq bunu təsdiq etmək üçün faktlara ehtiyac var", - Kaşyunas qeyd edib.