Bu cinayətin, vəhşi qətliamın ideoloji motivlərlə törədildiyini təbliğ etmək tamamilə təxribatdır.

Axar.az xəbər verir ki, bunu Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun ötən gün Konyada bir ailənin 7 üzvünün silahla qətlə yetirilməsinə münasibət bildirərkən deyib.

Mediada və ictimaiyyətdə informasiya çirkinliyinə qarşı diqqətli olmağa çağıran Altun qeyd edib:

"Bu qəddar hadisədən istifadə edərək cəmiyyəti parçalamağa və insanları bir-birinə qarşı qoymağa çalışan məsuliyyətsiz şəxsləri təmkinli olmağa çağırırıq".